ԱՄՆ նախագահ Բարաք Օբաման Սպիտակ տանը գիշերները ներքնազգեստով սենդվիչ չի փնտրում՝ գրում է The New York Times-ը: Այս կատակ-խոստովանությունն Օբաման արել է Jimmy Kimmel Live շոուի եթերում: «Ես կարող էի: Բայց ոչ»,- ասել է Օբաման:
Բացի դրանից՝ ԱՄՆ նախագահը մասնակցել է ավանդական խորագրին, որի շրջանակներում հյուրերը բացասական թվիթներ են կարդում իրենց մասին: Փոստերից մեկի հեղինակը հետաքրքրվել է՝ արդյոք Օբամային գոլֆի որևէ հեռու դաշտ ուղարկելու և նրան այդտեղ թողնելու միջոց կա՞: «Կարծում եմ՝ դա հրաշալի գաղափար է»,- ասել է Օբաման:
Օբաման նաև ասել է, որ վաղուց ճաշ չի պատրաստել, և կատակել է, որ չի կարող որպես նախագահ նստել ղեկին, քանի որ «Քենիայում մենք փողոցի մյուս կողմով ենք երթևեկում»:
