Չինական կինոթատրոններում ցուցադրություններից հավաքված միջոցները փետրվարին պատմության մեջ առաջին անգամ գերազանցել են ամերիկյանին՝ մեկ ամսով Չինաստանը դարձնելով աշխարհի խոշորագույն կինոշուկան: Այս մասին գրում է China Daily-ն՝ վկայակոչելով չինական Entgroup հետազոտական կենտրոնին:
Փետրվարին չինական կինոթատրոնները հավաքել են 4.05 մլրդ յուան (մոտ 647 մլն դոլար): Այդ նույն ընթացքում Հյուսիսային Ամերիկայի կինոթատրոնների դրամարկղերում գումարը կազմել է 710 մլն յուան, որից 640 մլն-ը անցնում է ԱՄՆ-ին:
Այս երևույթի հիմնական պատճառը լուսնային օրացույցով Նոր տարվա տոնակատարությունն է, որը բաժին է ընկնում ԱՄՆ-ում «մեռած ամիս» համարվող փետրվարին: Բացի այդ, էկրաններ են բարձրացել չինական արտադրության բլոքբաստերներ:
