Վաշինգտոնի բնակիչ Էդվին Գրեյին դատարանը ժամանակավորապես արգելել է սեփական տանը ծխախոտ և մարիխուանա օգտագործել: Այս մասին է հաղորդում ABC7-ը: Գրեյի հարևանները բողոքել են տան հոտից, որը նրանց տներ է ներթափանցում տան ներքնահարկի ճեղքերից:
Նշվում է, որ ամերիկացու հարևանները մեկ տարի առաջ այլ տուն են տեղափոխվել: Սկզբում նրանք փորձել են պայմանավորվել տղամարդու հետ, որպեսզի նա տանը չծխի, սակայն նա հրաժարվել է, որից հետո հարևանները նրա դեմ դատական հայց են ներկայացրել: Ծխելուց բացի՝ ընտանիքը պահանջել է որպես փոխհատուցում 500 հազար դոլար վճարել:
Դատաքննության ընթացքում Գրեյին, նրա ընտանիքի անդամներին և նրանց հյուրերին արգելել են տանը ծխել: Գրեյի քույրը՝ Մոզելլա Ջոնսոնը հայտարարել է, որ ցնցված է և չի հասկանում, թե ինչու պիտի իր ընտանիքին արգելեն ծխել սեփական տանը:
