Գերմանիայի կանցլեր Անգելա Մերկելը, որը այցով գտնվում է Ճապոնիայում, կոչ է արել պահպանել Ռուսաստանի դեմ պատժամիջոցները՝ կապված Ուկրաինայում ստեղծված իրավիճակի հետ, սակայն ընդունել է դիվանագիտական ուղիների որոնման անհրաժեշտությունը։ Այս մասին հայտնել է «Կիոդո» գործակալությունը:
Բացի այդ՝ Մերկելը արտահայտվել է հօգուտ ՄԱԿ ԱԽ-ի բարեփոխումների ու նշել Ճապոնիայի ու Բրազիլիայի հետ համագործակցության և ջանքերի կարևորությունը, մասնավորապես՝ միջազգային ահաբեկչության դեմ պայքարում:
Մերկելը իր այսօրվա ելույթում անդրադարձել է նաև ԴԱԻՇ-ի կողմից Ճապոնիայի երկու քաղաքացիների մահապատժին ու այս տարվա հունվարին Փարիզում տեղի ունեցած ահաբեկչություններին:
Երեկոյան տեղի կունենա Մերկելի հանդիպումը Ճապոնիայի վարչապետ Սինձո Աբեի հետ, որի ժամանակ, ինչպես սպասվում է, կքննարկվեն G7-ի շրջանակում գործընկերությանը, Ուկրաինայի իրավիճակին, ՄԱԿ ԱԱԽ-ի բարեփոխումեներին և Մերձավոր Արևելքում ու Արևելյան Ասիայում տարածաշրջանային հարցերում փոխհամագործակցությանն առնչվող հարցեր:
