Բոսթոնի համալսարանի կողմից անցկացված ուսումնասիրությանը 1200 մեծահասակներ են մասնակցել: Մասնագետները մասնակիցներին հետևել են 20 տարի շարունակ: Ուսումնասիրության սկզբում տղամարդիկ և կանայք, որոնց միջին տարիքը 41 տարեկան է եղել, վազքուղու վրա մեկ մետր մեկ վայրկյանում են անցել: Գիտնականները հետևել են նրանց ճնշմանն ու սրտի կրճատման հաճախականությանը, գրում է The Daily Mail-ը:
Այնուհետև մասնագետները սկանավորել են նրանց ուղեղները, երբ լրացել է մասնակիցների 60 տարեկանը: Դրանից բացի, մասնակիցները մտավոր թեստեր են հանձնել: Այն մասնակիցների ուղեղում, ում սրտի կրճատումների հաճախականությունը վազքուղու վրա կտրուկ աճել է, մոխրագույն նյութը պակասել է: Այս մասնակիցները համեմատաբար ավելի վատ են հանձնել մտավոր թեստերը: Իսկ նրանք, ում մոտ վազքուղու վրա բարձր երակային ճնշում է գրանցվել, վատ են հանձնել որոշումներ կայացնելուվերաբերյալ թեստերը:
Գիտնականները եկել են այն եզրահանգման, որ ոչ ակտիվ մարդիկ ավելի հակված են թուլամտության: Սովորաբար տարիքի հետ ուղեղը փոքրանում է, սակայն չափերի մեջ տարբերությունը հատկապես նկատելի է Ալցհեյմերի հիվանդության ժամանակ: Ուսումնասիրությունը ցույց է տվել, որ մտավոր խանգարումներից կարող են պաշտպանել պարբերական զբոսանքները:
