Փերիս Հիլթոնի 21-ամյա եղբայրը՝ Քոնրադը, խոստովանել է, որ Լոնդոնից Լոս Անջելես թռչող ինքնաթիռում 11 ժամ շարունակ սկանդալ է սարքել: Կատաղած երիտասարդը հարձակվել է բորտուղեկցորդուհիների վրա, նրանցից մեկին սպառնացել է սպանել, իսկ մյուսին՝ աշխատանքից հեռացնել տալ, հաղորդում է GQ-ն:
Սկանդալային դեպքը տեղի է ունեցել 2014 թ. հուլիսի 31-ին, սակայն մինչև վերջերս Քոնրադ Հիլթոն III-ը հրաժարվում էր ընդունել իր մեղքը: Ականատեսների խոսքերով՝ Քոնրադը թռիչքի հենց սկզբից իրեն վատ է պահել: Նա սկզբում հայտարարել է, որ ինքնաթիռում իր հարևաններից մեկի վրայից վատ հոտ է գալիս, և պահանջել է անմիջապես իջեցնել ինքնաթիռը: Իսկ երբ բորտուղեկցորդուհիներից մեկն ասել է, որ դա անհնար է, նա միանգամից կատաղել է:
«Այս ինքնաթիռի վրա ամեն ինչ ինձ է պատկանում, իսկ դուք գրողի տարած գյուղացիներ եք»,- գոռացել է երիտասարդը: Ընդ որում, Քոնրադը պարծեցել է British Airways ավիաընկերության ղեկավաի հետ ծանոթությամբ և բորտուղեկցորդուհիներից մեկին սպառնացել է, որ նրան աշխատանքից կազատեն: Այդ խոսքերից հետո նա հարձակվել է մյուս բորտուղեկցորդուհու վրա և պատռել նրա ժիլետը: «Ես կսպանեմ քեզ, կսպանեմ»,- գոռացել է Փերիսի եղբայրը:
«Նա անընդհատ քայլում էր սրահով: Ինչ-որ պահի նա զուգարան մտավ, որտեղ նրանից հետո մարխուանայի ուժեղ հոտ էր տարածվել: Նա երևի մի քանի տասնյակ «խոտով» ծխախոտ էր ծխել»,- պատմել է սկանդալի ականատեսներից մեկը:
Քոնրադ Հիլթոնը փաստաբանը հայտնել է, որ իր հաճախորդի ագրեսիան պայմանավորված է եղել նրանով, որ նա թռիչքից առաջ քնաբեր է օգտագործել: Սակայն դատավորներին դա չի տպավորել, ուստի երիտասարդը որոշել է ավելի խիստ պատժից խուսափելու համար ընդունել իր մեղքը:
Ներկա պահին Քոնրադին վեց ամսվա ազատազրկում, ինչպես նաև խոշոր տուգանք է սպառնում:
Ավելի վաղ երիտասարդն արդեն մի քանի անգամ վեճերի և դեբոշների համար պատասխանատվության է ենթարկվել: Դրանցից մեկի հետևանքով նրա ծնողները ստիպված են եղել 300 հազար դոլար փոխհատուցում վճարել: