Վայրի փիղը Հնդկաստանի արևելյան Բիհար նահանգի գյուղերից մեկում հարձակվել է բնակիչների վրա, ինչի հետևանքով 4 մարդ է զոհվել: Այս մասին հայտնում է IANS գործակալությունը:
Դեպքը տեղի է ունեցել Սիտամարհի գյուղական շրջանում, հարձակման հետևանքով 2 հոգի տեղում մահացել են, 3 հոգի վնասվածքներ են ստացել:
«Եվս 2 մարդ, որոնց փիղը լուրջ վնասվածքներ էր հասցրել, մահացել են հիվանդանոցում»,- ասել է տեղի ոստիկանության ներկայացուցիչը:
Տեղի իշխանությունների խոսքով՝ իրենց դեռ չի հաջողվել բռնել գազազած կենդանուն, որը սարսափահար է անում գյուղերի բնակիչներին: