Փետրվարի 21-ին` ժամը 10.26-ին, ահազանգ է ստացվել, որ Արմավիրի մարզի Արշալույս գյուղի մոտակայքում տեղի է ունեցել ՃՏՊ, բախվել են «ՎԱԶ-2104» և «Ջիպ» մակնիշի ավտոմեքենաները, կան տուժածներ.քաղաքացիներին դուրս բերելու համար անհրաժեշտ է փրկարարների օգնությունը: Այս մասին հայտնում են ՏԿԱԻՆ մամուլի ծառայությունից։ Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում Մ5 միջպետական ավտոճանապարհի Էջմիածին-Արմավիրի մոտ 23-րդ կմ-ում բախվել են «ՎԱԶ-2104» մակնիշի 13 ԼՕ 311 պետհամարանիշի և «Տոյոտա պրադո» մակնիշի 85 PD 888 պետհամարանիշի (վարորդ Ա. Ղ.): ՃՏՊ-ի հետևանքով տուժել են երկու քաղաքացիներ, զոհվել` մեկը:
Մինչ հրշեջ-փրկարարների կանչի վայր հասնելը տուժածներ Թ. (ծնվ. 1956 թ.) և Ա. Ղ.-երը տեղի ուժերով տեղափոխվել են Էջմիածին քաղաքի բժշկական կենտրոն: Ըստ բժիշկների տուժածների առողջական վիճակը բավարար է:
