«Սուրբ Գրիգոր Լուսավորիչ» ԲԿ Պարույր Հայրիկյանին տեսակցելու էր եկել նաև ԲՀԿ խմբակցության քարտուղար Նաիրա Զոհրաբյանը: Նա լրագրողներին հայտնեց, որ Պարույր Հայրիկյանին վիրահատարանից տեղափոխեցին պալատ:
«Մենք ճշտեցինք բժշկից, որ վիրահատությունն անցել է հաջող, գնդակը հեռացրել են, հեմատոմաները մաքրել են, Պարույր Հայրիկյանը դեռ նարկոզից դուրս չի եկել, բայց բժիշկները վիճակը գնահատում են նորմալ, և կարծում ենք, շատ կարճ ժամանակում նա արագ կգնա դեպի ապաքինում: Մի վեց ժամ պետք է, որ նա նարկոզից դուրս գա»,- ասաց ԲՀԿ-ական պատգամավորը։- Որևէ տրամաբանական վարկած, որևէ տեսանելի վարկած, թե ինչու պետք է նման դեպք տեղի ունենա, էապես չենք տեսնում: Մենք նրան արագ ապաքինում ենք մաղթում և արագ վերադարձ ընտրապայքար, մնացածը իրավական խնդիր է»:
Ըստ Նաիրա Զոհրաբյանի՝ որևէ իրական տեսանելի վարկած կատարվածի համար ուղղակի հնարավոր չէ գտնել. «Իրավապահ համակարգի առաջին դեմքերը խոստացել են շատ օպերատիվ պարզաբանումներ տալ, պարզել իրական պատճառը։ Հուսանք, որ շատ կարճ ժամանակում մենք կունենաք բոլորիս շատ հուզող հարցի պատասխանը։ Մենք ինքներոս որևէ տեսանելի վարկած չենք տեսնում»: