Թուրքիայում արգելված Քրդստանի համայնքների միությունը (ՔՀՄ) հերքել է տեղեկատվությունը, թե Քրդստանի բանվորական կուսակցության (ՔԲԿ) զինված ջոկատները դադարեցրել են զինված պայքարը Թուրքիայում։ Քրդական Fırat գործակալությունը հաղորդում է, որ կուսակցության ռազմական խմբավորումները չեն պատրաստվում լքել Թուրքիայի տարածքը։
Թուրքիան 30 տարում 400 մլրդ դոլար է ծախսել քուրդ անջատողականների հետ հակամարտության վրա, հաղորդում են РИА Новости-ի և ИТАР-ТАСС-ի աղբյուրները։
ՔՀՄ կառավարման խորհրդի հայտարարության մեջ ասված է, որ այն լուրը, թե ՔԲԿ-ի 100 գրոհայինները մարտի 21-ին առանց զենքի պետք է լքեն Թուրքիան «հոգեբանական պատերազմի տարրական մտադրությունը, որի նպատակն է մանիպուլյացիայի ենթարկել հասարակական գիտակցությունը», հաղորդում է ИТАР-ТАСС-ը։
Թուրքիայի նախագահը կոչ է արել ՔԲԿ-ի գրոհայիններին վայր դնել զենքերը, հաղորդում է Интерфакс-ը։
Ավելի վաղ թուրքական Sabah պարբերականը հաղորդել է, որ ՔԲԿ-ի ղեկավար Աբդոլլահ Օջալանը, որ ցմահ ազատազրկում է կրում Մարմարա ծովի Իմրալը կղզում, 10 օրվա ընթացքում պետք է պաշտոնապես կոչով դիմի գրոհայիններին, որ վայր դնեն զենքերը, դադարեցնեն զինված պայքարը և լքեն երկիրը։ Հաղորդվում է, որ սա Անկարայի և Օջալանի միջև կայացած բանակցությունների արդյունքներն են։
ՔՀՄ-ն հայտարարում է, որ Անկարան, Իմրալըից զատ, ոչ ոքի հետ բանակցություններ չի վարում։ Թուրքիայի պաշտոնական աղբյուրները հաղորդում են, որ ՔԲԿ-ի հետ բանակցություններ են վարվում Օսլոյում, մտադրվում են նաև Հյուսիսային Իրաքում անցկացնել։
Թուրքիայի իշխանությունները 13 տարի առաջ Օջալանին մահապատժի էին ենթարկել, սակայն հետո վճիռը փոխվել է ցմահ ազատազրկման։
ՔԲԿ-ն պարտիզանական պատերազմ է վարում Թուրքիայի կառավարության հետ 1980-ականներից։ Այդ ժամանակներից ցայսօր զոհվել է ավելի քան 40 000 մարդ՝ երկու կողմերից էլ։
