Ամերիկյան Patriot զենիթահրթիռային համակարգերն այսօր հասցվել են թուրքական Գազիանտեպ նահանգի բազա: Ինչպես տեղեկացնում է «Իհլյաս» գործակալությունը, կայանները դեռ հավաքված չեն և գտնվում են Հինգերորդ տանկային բրիգադի հրամանատարության տարածքում:
Մոտ օրերին ԶՀՀ-ները կհավաքվեն և փետրվարի սկզբին կսկսեն ռազմական հերթապահությունը: Համակարգերի բաղկացուցիչ մասերով վերջին նավը ամերիկայն Բալթիմոր քաղաքից Իսկենդերուն նավահանգիստ է ժամանել չորեքշաբթի երեկոյան: Հրթիռների ներկրումը Թուրքիա տեղի կունենա մոտ ժամանակներս:
Ներկա պահին Սիրիայի հետ սահմանին հերթապահում են չորս Patriot-ներ. երկուսը Գերմանիայից, երկուսը՝ Նիդեռլանդներից:
