Միացյալ Թագավորությունը պատրաստ է օգնություն տրամադրել Լիբիայի կառավարությանը տեղի անվտանգության ուժերին ուսուցանելու հարցում: Ինչպես հաղորդում է ITAR-TASS-ը, այս մասին Տրիպոլի կատարած այցի ժամանակ հայտարարել է Մեծ Բրիտանիայի վարչապետ Դևիդ Քեմերոնը:
«Մենք աջակցություն ենք առաջարկում Լիբիայի ոստիկանների և զինված ուժերի պատրաստման հարցում»,- հայտարարել է վարչապետը: Նրա խոսքերով` Մեծ Բրիտանիայի՝ այս ուղղությամբ համագործակցելու պատրաստակամությունը կապված է աֆրիկյան տարածաշրջանում անվտանգության ոլորտում տիրող իրավիճակի վատթարացման հետ:
Դևիդ Քեմերոնը Լիբիայի մայրաքաղաք Տրիպոլի է ժամանել Ալժիր կատարած այցից անմիջապես հետո, որտեղ նա քննարկել է ահաբեկչության դեմ համատեղ պայքարելու հարցեր և ստորագրել համագործակցության մասին համապատասխան համաձայնագրեր:
Տրիպոլիում բրիտանացի վարչապետին հանդիպել է պաշտպանության նախարար Աշուր Սուլեյման Շուվայլը:
Ակնկալվում է, որ Քեմերոնը հանդիպելու է նաև Լիբիայի վարչապետ Ալի Զեյդանի հետ:
