FTL Moda բրենդի դիզայներ Անտոնիո Ուրզին Նյու Յորքի Նորաձևության շաբաթին ներկայացրել է Loving You անվանումով հավաքածուն, որը ցուցադրել են հաշմանդամի սայլակով մոդելները, փոխանցում է The Daily Mail-ը:
Ցուցադրությունն անցկացվել է իտալական Fondazione Vertical հիմնադրամի հետ համագործակցությամբ, որն ուսումնասիրում է ողնուղեղի հիվանդությունները:
Բրիտանացի մարզիչ Ջեք Այրսը անդամահատված վերջույթով առաջին տղամարդն է, որին հնարավորություն է ընձեռվել մասնակցելու Նորաձևության շաբաթին: Այրսը ոտքից զրկվել է 16 տարեկան հասակում:
«Ես չգիտեի՝ ինչի սպասել, այդ պատճառով էլ նյարդայնանում էի: Ես ուզում եմ ասել, որ հաշմանդամությունը նահանջելու համար պատճառ չէ: Երջանիկ եմ, որ պատիվ ունեմ կրելու այսքան հայտնի դիզայների հագուստները»,- իր տպավորություններն է հայտնել Ջեք Այրսը:
