Թուրքիայի քաղաքացի, ազգությամբ հայ Արև Ջեբեջին հարցումով դիմել է Ստամբուլի քաղաքապետարան և Բաքըրքյոյի թաղապետարան՝ արդյոք Մեծ պահքի շրջանում հայերի և ասորիների համար հատուկ միջոցառումներ կազմակերպվելո՞ւ են, թե՞ ոչ։ Այս մասին հայ կինը նշել է թուրքական «Ռադիկալ» պարբերականի հետ զրույցում։
Ջեբեջին հայտնել է, որ Բաքըրքյոյ թաղամասում 30 հազար քրիստոնյա է բնակվում, իսկ ամբողջ Ստամբուլում՝ 70 հազար։ Ուստի նրա պահանջն այն է, որ ինչպես մուսուլմաններն են նշում իրենց տոները, այնպես էլ Թուրքիայի քրիստոնյա քաղաքացիներին նման հնարավորություն ընձեռվի։
Իրեն քեմալական համարող Ջեբեջին տարբեր քաղաքացիների համար հավասար իրավունքներ հաստատելու նպատակով արդեն դիմել է քեմալական Ժողովրդահանրապետական և իշխող «Արդարություն և զարգացում» կուսակցություններին՝ պահանջելով համապատասխան քայլեր ձեռնարկել և լուծում տալ վերոնշյալ խնդրին։
