Եգիպտոսի ռազմաօդային ուժերը երկուշաբթի օրը Լիբիայում հարվածել են ԴԱԻՇ («Իրաքի և Շամի իսլամական պետություն») արմատական խմբավորման դիրքերին՝ առանց ԱՄՆ-ի հետ համակարգելու: Այս մասին հաղորդում է ABC հեռուստաալիքը:
«Դա Եգիպտոսի կառավարության որոշումն է եղել, ես չեմ տեսել որևէ վկայություն առ այն, որ ԱՄՆ-ն ինչ-որ կերպ ներգրավված է դրանում»,- ասել է ԱՄՆ պաշտպանության նախարարության ներկայացուցիչը:
Ինչպես հայտարարել են ԱՄՆ պաշտոնատար անձինք՝ իրենց հայտնի չէ, որ Եգիպտոսի կառավարությունը ԱՄՆ իշխանություններին տեղեկացրել է Լիբիայի տարածքում պատրաստվող հարվածների մասին: Նրանք նաև նշել են, որ այդ գրոհների արդյունավետությունը դեռևս բարդ է գնահատել:
