Ոստիկանությունում իրականացվող «բարեփոխումների» շրջանակում վերջին օրերին աշխատանքից ազատվել են ԲՀԿ առաջնորդ Գագիկ Ծառուկյանի տարածքները հսկող պետական պահպանության գլխավոր վարչության բազմաթիվ աշխատակիցներ: Այս տեղեկությունը Armtimes.com-ի հետ զրույցում չի հերքել ՀՀ ոստիկանության հասարակայնության հետ կապերի եւ լրատվության վարչության պետ Աշոտ Ահարոնյանը:
Նա նշել է, որ պարբերաբար ստուգումներ են իրականացվում նշված վարչությունում եւ այս ազատումների նպատակը ոչ պրոֆեսիոնալ աշխատակիցներից համակարգը ազատելն է: Ահարոնյանն ասաց նաեւ, որ ազատված աշխատակիցներին առաջիկայում կփոխարինեն ավելի փորձառու կադրեր:
Մեր տեղեկություններով աշխատանքից ազատված ՊՊԳՎ աշխատակիցների թիվը հասնում է 200-ի:
