ՀՀ կառավարությունն այժմ էլ մտադրվել է զբոսաշրջությունը զարգացնել Գորիսում: Այդ նպատակով մշակվել է հատուկ ծրագիր, որը վաղը կներկայացվի գործադիրի քննարկմանը:
Գորիսը միջազգային տարանցիկ ճանապարհների կենտրոն է Հայաստանի, Լեռնային Ղարաբաղի ու հարևան Իրանի համար, և իր յուրօրինակ աշխարհագրական դիրքով, բնական հանգստի գոտիներով, պատմամշակութային և ազգագրական առանձնահատկություններով ու ավանդույթներով և ենթա-կառուցվածքներով՝ զբոսաշրջային կենտրոն դառնալու և Հայաստանի զբոսաշրջային արդյունաբերության մեջ իր ուրույն տեղն ու դերն ունենալու լավագույն հնարավորություններն ունի:
Ծրագրվում է Գորիսի պատմական կենտրոնում ստեղծել «Հին Գորիս» պահպանման և օգտագործման համար ամբողջական պատմամշակութային զբոսաշրջային համալիր:
Բացի այդ, Գորիսն իր աշխարհագրական դիրքով ունի առանձնահատուկ բնություն, ինչը նպաստավոր պայմաններ կարող է ստեղծել առողջարանային, էկոլոգիական և արկածային զբոսաշրջության զարգացման համար:
