Ամերիկյան M1 Abrams տանկերը հավանաբար հայտնվել են ԴԱԻՇ ահաբեկչական խմբավորման գրոհայինների ձեռքում՝ խոստովանել է Պենտագոնի ներկայացուցիչ Ջոն Կիրբին։ Այս մասին փոխանցում է RIA Novosti-ն։
«Իրաքյան բանակը մի շարք Abrams տանկեր է ունեցել, սակայն ես չգիտեմ, թե դրանցից քանիսն են հայտնվել ԴԱԻՇ-ի ձեռքում»,-ասել է Կիրբին՝ մեկնաբանելով ԶԼՄ-ների հաղորդագրություններն այն մասին, որ գրոհայինների ձեռքում կարող է հայտնված լինել մի քանի տասնյակ ամերիկյան տանկ։
M1 Abrams-ն ԱՄՆ բանակի հիմնական մարտական տանկն է, որը կա նաև Իրաքի և մի շարք այլ երկրների սպառազինությունում։ ԴԱԻՇ-ի գրոհայինները 2014-ին անակնկալ հարձակմամբ զավթել էին Իրաքի ընդարձակ տարածքներ և մի շարք խոշոր քաղաքներ, տիրացել մեծաքանակ զենքի։
