Թուրքիայի մի քանի քաղաքներում ուրբաթ օրը բողոքի ակցիաներ են տեղի ունեցել երկրի դպրոցներում սահմանված կրոնական կրթության դասերի դեմ: Այս մասին հաղորդում է Hurriyet-ը:
Միջոցառումները կազմակերպվել են կրթության աշխատակիցների արհմիության և ալևիների կազմակերպության կողմից: Ակցիաներին մասնակցել են ուսուցիչներ, ծնողներ և ավագ դասարանցիներ:
Հանրահավաքներ և երթեր են տեղի ունեցել Անկարայում, Ստամբուլում, Էսքիշեհիրում, Իզմիրում, Անթալիայում, Էդիրնեում, Արդվինում:
Իզմիրում ոստիկանությունը ջրցաններ է կիրառել բողոքի ակցիան ցրելու համար: Ստամբուլի Քադիքյոյ շրջանում հանրահավաքին 400 մարդ է մասնակցել, ակցիայի 10 մասնակից է կալանավորվել: Նշվում է, որ հանրահավաքի մասնակիցներ են ձերբակալվել նաև Անկարայում:
