Էվոլյուցիայի տեսանկյունից մարդկանց մեծամասնության համար ավելի լավ է զուգընկերոջ ընտրության հարցում համաձայնել արագ և հասանելի տարբերակին, այլ ոչ թե ռիսկի դիմել և սպասել անթերի զուգընկերջ հետ հանդիպմանը: Այս տեսությունն են առաջ քաշել Միչիգանի համալսարանի միկրոկենսաբանները: Իրենց ուսումնասիրությունը նրանք ներկայացրել են Nature ամսագրում:
Քրիս Ադամին և նրա գործընկերները համակարգչային մոդել են կառուցել և զուգընկերոջ ընտրության հարցում հետևել են ռիսկի վերաբերյալ թվային օրգանիզմների արձագանքին: Պարզվել է, որ նրանց վերաբերմունքի վրա ամենից շատ ազդել են մոտակա խմբի, ցեղի չափերը: Երբ նրանց թիվը հասել է 150-ի, օրգանիզմները նախընտրել են առաջին պատահած զուգընկերոջը: Ռիսկի բարձր մակարդակի դեպքում, երբ հարցը վերաբերում է կյանքի ուղեկցի ընտրությանը, մարդիկ հակված են ընտրել ավելի անվտանգ տարբերակները, պնդում են գիտնականները:
«Պրիմիտիվ մարդիկ պատրաստ են եղել սեռական հարաբերություններ ունենալ առաջին, թեկուզ և ոչ անթերի զուգընկերոջ հետ և գենետիկորեն ոչ կատարյալ սերունդ ունենալու ռիսկի են դիմել: Իսկ կատարելության սպասելու դեպքում նրանք ընդհանրապես ժառանգներ չունենալու ռիսիկի են դիմել»,- բացատրել են գիտնականները:
