Եգիպտոսի մայրաքաղաք Կահիրեի «Սեմիրամիս» հյուրանոցում հրդեհ է բռնկվել այն բանից հետո, երբ ցուցարարները դյուրավառ հեղուկով շշեր են նետել շենքի վրա,- հաղորդում է RIA Novosti-ն: Տուժածների մասին տեղեկատվություն դեռևս չկա:
Հինգաստղանի հյուրանոցը տեղակայված է Նեղոսի ափին` Թահրիր հրապարակի մոտ, որտեղ բախումներ են տեղի ունենում ոստիկանների և ցուցարարների միջև: Նախօրեին մի խումբ ծայրահեղական երիտասարդներ փորձել էին ներխուժել հյուրանոց:
Հարևանությամբ տեղակայված «Շեպարդ» հինգաստղանի հյուրանոցը դադարեցրել է աշխատանքը: Երեքշաբթի երեկոյան հյուրանոցում բնակվողներին խնդրել են հեռանալ այդտեղից:
Արդեն հինգերորդ օրն է՝ Եգիպտոսի քաղաքներում չեն դադարում բախումները իրավապահ մարմինների և ցուցարարների միջև: Պաշտոնական տվյալներով` այս օրերին բախումների հետևանքով զոհվել է 50 մարդ: