Lancet Psychiatry-ն հրապարակում է վիճակագրական հետազոտությունների տվյալներ 2000-2011թթ. ինքնասպանությունների պատճառների մասին՝ հայտնում է mignews.com-ը:
Պարզվել է, որ 45 հազար ինքնասպանությունների պատճառը եղել է գործազրկությունը: Դա 9 անգամ ավելի շատ է տնտեսական ճգնաժամով պայմանավորված ինքնասպանություններից:
Հետազոտության ղեկավար Կառլոս Նորդտի (Ցյուրիխի համալսարանի հոգեբուժական հոսպիտալից) տվյալներով՝ ինքնասպանություններն սկսվում են գործազրկության իրական պիկից 6 ամիս առաջ, ու դրա պատճառը աշխատանքը կորցնելու հետևանքով առաջացած սթրեսն է:
Համաձայն հետազոտության՝ վերջին տասնյամյակում ինքնասպանությունների ռիսկը՝ կապված գործազրկության հետ, աճել է 20-30 տոկոսով աշխարհի բոլոր տարածաշրջաններում:
