Առաջիկա 5 տարիներին նավթի համաշխարհային պահանջարկը կվերականգնվի՝ 2014-ի չափազանց թույլ աճից հետո, սակայն դրա պահանջարկի աճն ավելի թույլ կլինի, քան մինչ 2008-ի ֆինանսական ճգնաժամը: Այս մասին գրում է Prime-ը՝ վկայակոչելով Միջազգային էներգետիկ գործակալության զեկույցը:
«Համաշխարհային պահանջարկի աճը տարեկան միջինը կկազմի 1.2 տոկոս, ինչը թույլ է մինչճգնաժամային շրջանի պահանջարկից (1.9 տոկոս աճ՝ 2001- 2007-ին)»,- ասվում է զեկույցում՝ նվիրված նավթի շուկայի զարգացման 5-ամյա կանխատեսումներին:
Ըստ այդմ՝ 2020-ին նավթի համաշխարհային պահանջարկը կկազմի օրական 99.1 մլն բարել: 2015-2020-ն ընկած ժամանակահատվածում նավթի պահանջարկը կմեծանա օրական 6.6 մլն բարելով: Այնուհանդերձ՝ պահանջարկի մեծացումը մոտ 1.5 բարելով կգերազանցի 5.2 մլն բարել նավթի համաշխարհային արդյունահանմանը:
Գործակալությունը սպասում է, որ 2015-ին պահանջարկը կկազմի օրական 93.3 մլն բարել: Կանխատեսվում է, որ 2016-ին այդ ցուցանիշը կկազմի օրական 94.5 մլն բարել:
