Սինգապուրում անօդաչու թռչող սարքեր են հայտնվել, որոնք կոչված են ռեստորաններում փոխարինելու մատուցողներին: Այդ մասին հաղորդում է BBC News-ը: Infinium Robotics դրոնները, որոնք կարող են տեղափոխել մինչև 2 կգ սնունդ և խմիչքներ, կսկսեն գործել տեղական բարերում 2015 թ. վերջից:
Անօդաչու ռոբոտները ղեկավարվում են համակարգչային ծրագրով և կողմնորոշվում են տարածությունում ուլտրակարմիր ցուցիչներով: Բացի այդ, նրանցից յուրաքանչյուրը համակարգվում է տեսախցիկներով:
Ռոբոտների ներմուծման պահանջ առաջացել է այն ժամանակ, երբ սպասարկող անձնակազմի պակաս է զգացվել: Այս պահին երկրում 7 հազ. մատուցողի կարիք կա: Նշվում է, որ տեղի երիտասարդությունը չի ձգտում աշխատել ռեստորաններում, քանի որ աշխատավարձը ցածր է:
