Երևանի բազմաթիվ կանգառներում վերջին շրջանում նկատվում է ուղղորդող ցուցանակների բացակայությունը, որոնց միջոցով ուղևորները կարողանում էին տեղեկանալ, թե որ համարի երթուղիներն են անցնում տվյալ հատվածով:
Քաղաքապետարանի մամլո ծառայությունից այս առնչությամբ երեկ Armtimes.com-ին պարզաբանել են. «Որոշ երթուղիների որոշ ուղեգծերում իրականացվող փոփոխություններով պայմանավորված՝ մայրաքաղաքի որոշ կանգառներում հնարավոր է, որ ժամանակավորապես հանվեն ցուցանակները և ճշգրտելուց հետո տեղադրվի թարմ տարբերակը»: Նշենք, որ ուղեգծերի վերանայման և շտկման աշխատանքներ իրականացվում են ավտոբուսային որոշ երթուղիներում:
Երևանի քաղաքապետարանը դա բացատրում է ուղևորահոսքի նվազմամբ: Մասնավորապես՝ հունվարի 26-ից այլևս չեն շահագործվում թիվ 11, 15, 30, 31, 40, 51 երթուղիները:
Մանրամասները՝ սկզբնաղբյուր կայքում
