Նյու Յորքի որոշ թանգարաններում արգելել են սելֆիի համար մեկոտանի շտատիվների կամ մոնոպոդների օգտագործումը։ Դրանք հատուկ շտատիվներ են բջջային սարքերի համար։ Այս մասին գրում է CBS New York-ը։
Թանգարանի ներկայացուցիչները հաստատում են, որ մոնոպոդներն իրական սպառնալիք են ներկայացնում արվեստի ցուցանմուշների համար։
Մոնոպոդների օգտագործումն արգելված է այնպիսի հայտնի թանգարաններում, ինչպիսիք են Կուպեր Հյուիթի դիզայնի թանգարանը և Ժամանակակից արվեստի թանգարանը։ Նշվում է, որ Մետրոպոլիտեն թանգարանը նույնպես դիտարկում է այդ հնարավորությունը։
Մոնոպոդները կիրառվում են հեռավորությունից ավելի ընդգրկուն սելֆի ստանալու համար։ Դրանք վերջին շրջանում սկսել են մեծ ժողովրդականություն վայելել մասնավորապես արվեստի կենտրոններում։
