Լոնդոնում Էկվադորի դեսպանատան մոտ ոստիկանների պարեկությունը բրիտանացի հարկատուներին ուրբաթ օրվա դրությամբ արժեցել է ավելի քան10 մլն ֆունտ ստերլինգ (15.2 մլն դոլար)։ Այնտեղ 2012 թվականի հունիսից թաքնված է WikiLeaks-ի հիմնադիր Ջուլիան Ասանժը։ Այս մասին հայտնում է TASS գործակալությունը՝ հղում անելով WikiLeaks.-ի հաշվարկներին։
Օգոստոսի 16-ին լրացել է երկու տարին, ինչ ավստրալացին քաղաքական ապաստան է ստացել Էկվադորում, սակայն մինչ օրս չի կարողանում դուրս գալ դեսպանատան տարածքից։ Դեսպանատան պատերի մոտ շուրջօրյա պարեկում են երեք իրավապահներ, ովքեր պատրաստ են նրան ձերբակալել, եթե նա փորձի լքել շենքը:
Ասանժի տվյալներով՝ միայն ոստիկանների աշխատավարձի վրա Լոնդոնն ամսական 365 հազար դոլար է ծախսում։ Նրա խոսքով՝ դա «գումարի հրկիզում» է այն ժամանակաշրջանում, երբ աշխարհին սպառնում են ԴԱԻՇ-ի գրոհայինները։
