Անցած շաբաթվա ընթացքում ՀՀ բանկերը վաճառել են 16.351 մլն դոլար, որը նախորդ շաբաթվա վաճառքի ծավալները գերազանցում է ավելի քան 3 անգամ: Դոլարի միջին փոխարժեքն ավելացել է 0.51 %-ով և շաբաթ օրը կազմել 410.81 դրամ:
Ինչպես «Առաջին լրատվական»-ին հայտնեց FOREX Club-ի վերլուծաբան Միքայել Վերդյանը, անցած շաբաթը հայկական արժութային շուկայում անցել է ամերիկյան արժույթի զգալի գնումների «ալիքի վրա»: Դոլարի նման բարձր ներքին պահանջարկը պայմանավորված է այս ժամանակաշրջանի համար ավանդական մասնավոր տրանսֆերտների հոսքի անկման, ինչպես նաև՝ շուկայում դևալվացիոն չափավոր տրամադրությունների հետ:
Մ. Վերդյանի գնահատականով՝ այս շաբաթվա ընթացքում դոլարն, ամենայն հավանականությամբ, կշարունակի աճը և Նասդաք OMX Armenia-ում դոլարի համար հաղթահարման շեմ կարող է լինել 410 դրամը: Դոլարի թանկացմանը կխոչընդոտի բնակչության կողմից պահանջարկի ավելացումը: