ԱՄԷ-ում դատավարություն է սկսվել երկրում իշխանության զավթումը կազմակերպելու համար մեղադրվող 94 մարդու նկատմամբ` փոխանցում է Al-Jazeera հեռուստաալիքը:
«Նրանց նպատակն էր զավթել իշխանությունը և ոտնահարել բոլոր սկզբունքները, որոնց վրա հիմնված է օրենքի գերակայությունը: Նրանք դրանով գաղտնի զբաղվել են իրենց տներում, քաղաքից դուրս գտնվող վիլլաներում և այլ վայրերում, որտեղ փորձել են թաքցնել գործող իշխանության դեմ իրենց հանցավոր պայմանավորվածությունը»,- ասել է ԱՄԷ-ի գլխավոր դատախազ Սալիմ Սաիդ Կուբայշը:
Հիշեցնենք՝ 2012-ի սեպտեմբերին ԱՄԷ-ում ձերբակալվել էր «Ալ-Իսլահ» խմբավորման ավելի քան 60 իսլամիստ-արմատական: Խմբավորումը «Մուսուլման-եղբայրներ»-ի անդամ է:
«Ալ-Իսլահ»-ի ներկայացուցիչները հայտարարել են, որ իրենց նպատակը խաղաղ բարեփոխումներ իրականացնելն է, և իրենք կապ չունեն «Մուսուլման-եղբայրներ»-ի հետ:
ԱՄԷ-ում արգելված է ցանկացած քաղաքական ընդդիմություն:
