Իտալիայի նախկին վարչապետ Սիլվիո Բերլուսկոնին Հոլոքոստի զոհերի միջազգային հիշատակի օրը գովաբանել է Մուսոլինիի ռեժիմը, որի համար կտրուկ քննադատության է արժանացել իտալացի քաղաքական գործիչների կողմից։
Միլանում ելույթ ունենալիս, որտեղ կիրակի օրը խոշոր միջոցառումներ են տեղի ունեցել ֆաշիզմի ժամանակվա հրեա զոհերի հիշատակին, Բերլուսկոնին հայտարարել է, որ Իտալիան հրեաների առաջ պատմական այնպիսի պատասխանատվություն չի կրում, ինչպես Գերմանիան։
Նա նաև ասել է, որ Մուսոլինիի ամենամեծ մեղքը ֆաշիստական Իտալիայում ռասայական օրենքի ընդունումն է եղել, սակայն մյուս ոլորտներում դիկտատորը դրական գործեր է կատարել։
Հունվարի 27-ին ամբողջ աշխարհում նշվում է Հոլոքոստի զոհերի հիշատակի օրը։