Չեխիայի նախկին վարչապետ Միլոշ Զեմանը հաղթում է երկրի նախագահական ընտրությունների երկրորդ փուլում: Այս մասին հաղորդում է RIA Novosti-ն` վկայակոչելով Չեխիայի վիճակագրական վարչության պաշտոնական տվյալները, որը մշակում և հրապարկում է քվեարկության արդյունքները:
Վարչության տվյալներով` 14904 ընտրատեղամասերից 11930-ի տվյալների մշակումից հետո (80.05%), Զեմանը հավաքել է ձայների 56.63%-ը: Նրա մրցակիցը` արտգործնախարար Կարել Շվարցենբերգի օգտին քվեարկել է ընտրողների 43.36%-ը:
Նախագահական ընտրությունների երկրորդ փուլում մասնակցությունը կազմել է 58.18%:
Նշենք, որ Չեխիայի նոր նախագահն առաջին անգամ է ընտրվում երկրի քաղաքացիների կողմից: Ավելի վաղ Չեխիայում երկրի ղեկավարն ընտրվում էր խորհրդարանի երկու պալատների համատեղ նիստում:
