ԲՀԿ-ի Բրյուսել կատարած այցի հետևանքները դեռ իրենց զգացնել են տալիս: Այն անդրադարձավ ոչ միայն Բրյուսելում ՀՀ ներկայացուցիչ Ավետ Ադոնցի վրա, այլև, ինչպես տեղեկացնում են «Հրապարակ»-ի աղբյուրները, Աժ-ում ԵՄ ներկայացուցիչ Էդուարդո Լորենցոյի:
Ըստ թերթի աղբյուրների՝ այցը լավագույնս կազմակերպելու համար ԲՀԿ-ն հիմնականում աշխատել էր ՀՀ-ում ԵՄ ներկայացուցչի՝ Տրայան Հրիստեայի հետ: Սակայն այցի ընթացքում Ծառուկյանի հայտարարությունը, թե կոռուպցիայի դեմ պայքարն անարդյունավետ է, քանի որ դրա դեմ պայքարողներն են կոռումպացված, հարուցել էր ՀՀ իշխանության զայրույթը: Արդյունքում հարվածի տակ է հայտնվել տևական ժամանակ «ղարաբաղերենն» ուսումնասիրող համակրելի Էդուարդոն, որն այդ խաղում ընդամենը կատարող է եղել: Ինչ-որ պահի նույնիսկ դրված է եղել նրա՝ Բրյուսել հետ գործուղելու պահանջը, պատճառաբանությամբ, որ պաշտոնավարման եռամյա ժամկետն ավարտվել է, բայց քանի որ այս տարիներին նա բավականին գործ է արել ՀՀ ԱԺ-ԵՄ ինտեգրման գործում, որոշվել է՝ նա մնալու է Աժ-ում, բայց այլևս չի աշխատելու կուսակցությունների հետ:
