Ինչպես հայտնի է դարձել, որոշ ամուսնություններ տապալման են դատապարտված: Դա գործում է այն դեպքերում, երբ ամուսինները զգալիորեն տարբերվում են քաշով: Հատկապես դա վերաբերում է այն իրավիճակներին, երբ կինը տառապում է ավելորդ քաշից, այլ ոչ թե հակառակը: Բանն այն է, որ գեղեցիկ սեռի ներկայացուցիչներն ավելի խոցելի են սոցիալական ճնշումների նկատմամբ: Երբ խոսքն ավելորդ քաշի մասին է, տղամարդիկ ավելի հեշտ են գլուխ հանում այդ խնդրից:
Ընտանիքում վեճերի պատճառը կարող է լինել այն, որ կանայք հասարակության ճնշման տակ իրենք իրենց ավելի գեր են ընդունում: Իսկ տղամարդն այս դեպքում կա՛մ համաձայնում է այդ կարծիքի հետ և իր նկատառումներն է ներկայացնում, կա՛մ նրան ձանձրացնում են ավելորդ քաշի վերաբերյալ կնոջ անդադար բողոքները: Ցանկացած դեպքում վեճը անխուսափելի է, քանի որ կանացի հոգեբանությունը չի կարող ընդունել ո՛չ առաջինը, և ո՛չ էլ երկրորդը: Վեճերի այլ պատճառ էլ կարող է դառնալ տարբեր սննդակարգերը:
Այս իրավիճակից դուրս գալու միակ լուծումը կնոջը հասկացնելն է, որ նրա քաշը կամ այդ քաշը նվազեցնելու նպատակով թափված ջանքերն աննկատ չեն մնում: Իհարկե ընտանիքում վեճերի համար ուրիշ այլ պատճառներ էլ կան, սակայն հենց քաշերի տարբերությունը կարող է դառնալ գլխավոր խոչընդոտը և ընտանիքի քանդման պատճառը:
