Ամեն տարի հունվարի 27-ին նշվում է Հոլոքոստի զոհերի հիշատակի միջազգային օրը: Օրը հաստատվել է ՄԱԿ-ի Գլխավոր Ասամբլեայի կողմից 2005-ի նոյեմբերի 1-ին՝ 60/7 բանաձևով՝ գրում է Calend-ը:
ՄԱԿ-ի Գլխավոր ասամբլեան լռության րոպեով էր սկսել իր նիստը՝ նվիրված 1945-ի հունվարի 27-ին Օսվենցիմի նացիստական համակենտրոնացման ճամբարից խորհրդային զորքերի կողմից կալանավորների ազատ արձակման 60-ամյակին: Օսվենցիմի գոյության ողջ ընթացքում այնտեղ զոհվել է, որոշ գնահատականներով, 1.5-2.2 մլն մարդ:
Նիստը բացել էր ՄԱԿ-ի գլխավոր քարտուղար Քոֆի Անանը, ով «ներկա և ապագա սերունդներին» կոչ էր արել թույլ չտալ ֆաշիզմի սարսափների կրկնություն: