Ամերիկացիներին հարկավոր է լսել և ճանաչել ռուս երաժիշտ Վլադիմիր Վիսոցկուն, որպեսզի կապ պահպանեն Ռուսաստանի հետ,- համարում է երաժշտական քննադատ Ջիմ Բեսսմանը:
Ամերիկյան մասսայական փոփ-մշակույթը կտրում է այն ամենը, ինչը չի համապատասխանում իր կոմերցիոն չափանիշներին: Օտարեկրացիների համար ԱՄՆ-ում մասսայական լսարան ձեռք բերելն անհնար է, նույնիսկ այնպիսի եզակի տաղանդներից մեկի համար, ինչպիսին եղել է Վլադիմիր Վիսոցկին:
Նա հիշեցրել է, որ ռուս երգչին ամերիկյան երաժշտական մշակույթում մոտ է համարվում Բոբ Դիլանը: Սակայն Դիլանի երգերն էլ համարվում էին ոչ եկամտաբեր այնքան ժամանակ, քանի դեռ դրանք չէին կատարել Peter-ը, Paul and Mary-ին և The Birds-ը,- հաղորդում է ITAR-TASS-ը:
Քննադատը համարում է, որ Վիսոցկին կարող էր նաև համբավ ձեռք բերել ԱՄՆ-ում երկաթե վարագույրի ընկնելուց հետո: «Դա չի հաջողվել ոչ մի օտարալեզու արտիստի, նույնիսկ Բորիս Գրեբենշիկովին, որին չի օգնել անգամ ամերիկյան ընկերության գովազդը»,- նշել է Բեսմանը:
Նրա համոզմամբ՝ նման մոտեցումը վնասում է հենց ամերիկացիներին:
