ԱՄՆ-ի Կոնգրեսի Սենատի միջազգային կոմիտեն հաջորդ երեքշաբթի՝ հունվարի 29-ին, կարող է պալատի ամբողջական կազմին խուրհուրդ տալ հաստատել Ջոն Քերիի թեկնածությունը պետքարտուղարի պաշտոնում:
«Ես չեմ բացառում, որ քվեարկությունը կարող է տեղի ունենալ շաբաթվա սկզբին: Երեքշաբթի կոմիտեն հարցը կարող է փոխանցել պալատի ամբողջական կազմի դիտարկմանը»,-հաղորդում է RIA Novosti-ն՝ վկայակոչելով կոմիտեի իր աղբյուրին:
Ավելի վաղ սենատի միջազգային կոմիտեում լսումների ժամանակ սենատորների մեծ մասն աջակցել է Քերիի թեկնածությանը: Վերջինս շուրջ չորս ժամ պատասխանել է խորհրդարանականների հացերին՝ պետքարտուղարի պաշտոնում իր ունեցած ծրագրերի վերաբերյալ: Սենատորը հավաստիացրել է, որ իր գործողությունները չեն հակասի Բարաք Օբամյի վարչակազմի քաղաքականությանը, և որ ինքը մտադիր է շարունակել Հիլարի Քլինթոնի ընտրած մարտավարությունը:
ԱՄՆ նախագահ Բարաք Օբաման Քերիի թեկնածությունն առաջադրել է դեկտեմբերի 21-ին: Քերին արտաքին քաղաքականության բնագավառում ամենահարգված մասնագետներից մեկն է, որը հայտնիություն և հարգանք է վայելում աշխարհում:
