Windows 10-ի վերջնական տարբերակի թողարկումից հետո մեկ տարվա ընթացքում այն կարող են անվճար տեղադրել Windows 7, Windows 8.1 և Windows Phone 8.1 ՕՀ-ներով աշխատող սարքերի տերերը։ Այս մասին հայտնել է ընկերության ներկայացուցիչը՝ փոխանցում է Lenta.ru-ն։
Հունվարի 21-ին ընկերությունը հայտարարել էր, որ թարմացումը մեկ տարվա ընթացքում կլինի անվճար՝ հարթակի մի շարք նախկին տարբերակներից օգտվողների համար։ Սակայն ընկերությունը չէր հստակեցրել, թե ինչ տեղի կունենա առաջին տարուց հետո, ինչպես նաև այն, թե ում համար այն կլինի վճարովի։
Windows 10-ով թարմացման ծրագրվող սարքի ծառայության ժամկետը կորոշի օգտատերն անձամբ։ Այդ ողջ ընթացքում նա կստանա ավտոմատ թարմացումն անվճար, եթե տեղադրի ՕՀ-ի վերջնական տարբերակը թողարկման առաջին տարում։
Նրանք, ովքեր թարմացման չեն անցնի առաջին տարում, ՕՀ-ն կլինի վճարովի։
Microsoft-ը վճար կգանձի Windows 10-ի լիցենզիայի համար սարքերի արտադրողներից, հետևաբար նոր Windows սարքերի գնորդների համար ՕՀ-ի գինը կմտնի գնման արժեքի մեջ։
Windows 10-ը կմատակարարվի երկու դիտարկիչերով՝ Spartan և Explorer 11։ Spartan-ն այլ հարթակներով հասանելի դարձնելու հնարավոր ծրագրերի մասին կորպորացիայում հրաժարվել են խոսել։ Windows 10-ի վերջնական տարբերակի թողարկման հստակ ժամկետները դեռևս հայտնի չեն։
