Աշխարհի ամենաթունավոր խխունջը՝ աշխարհագրական կոնուսը (Conus geographus), ձկներին որսում է ինսուլինի պարունակությամբ թունավոր նյութի միջոցով: Այդ նյութը կտրուկ նվազեցնում է զոհի արյան մեջ շաքարի մակարդակը, ու վերջինս քարանում է: Այս մասին տեղեկացնում է Proceedings of the National Academy of Sciences ամսագիրը:
Կոնուս խխունջների թույնը չափազանց վտանգավոր է մարդու համար՝ խաղաղօվկիանոսյան տարածաշրջանում դրանից մարդկանց մահացությունը կրկնակի ավելի է, քան շնաձկան հարձակումից:
Սակայն զոհին թունավորելու համար ինսուլինի օգտագործման պրակտիկան կենդանական աշխարհում բացառություն է: Այն ձկներին գցում է գիպոգլիկեմիկ կոմայի մեջ, ինչից հետո խխունջի բերանային հատվածը ձգվում է դեպի զոհը ու կուլ տալիս նրան:
