Թուրքիայի Էլյազըգ մարզի ժանդարմերիայի բաժանմունքը անանուն հաղորդագրություն է ստացել այն մասին, որ ոմն քաղաքացի փորձում է վաճառել «Առլեկինի ընտանիքը» նկարը, որը ենթադրաբար պատկանում է Պիկասոյի վրձնին:
Ոստիկանության կողմից կազմակերպված օպերացիայի արդյունքում Պիկասոյի «Առլեկինի ընտանիքը» նկարը (1905 թ.) առգրավվել է: Կտավը փորձաքննության նպատակով ուղարկվել է նահանգի Հնագիտության և ազգագրության թանգարան:
Ցուցմունք տալուց հետո գողության մեջ կասկածվողը մինչ դատական գործընթացը ազատ է արձակվել:
Ինչպես հայտնի է դարձել, նկարի արժեքը կազմում է 10 մլն դոլար: Կասկած կա, որ այն գողացվել է Իրաքի կամ Քուվեյթի թանգարանից:
