Նոբելյան դափնեկիրներն իրենց բաց նամակում Սաուդյան Արաբիայի գործընկերներին կոչ են արել դատապարտել այդ երկրում բլոգեր Ռաիֆ Բադավիի դեմ սահմանված մարմնական պատիժը: Այս մասին հայտնում է The Independent-ը: Ինչպես նշում են ուղերձի հեղինակները, Բադավիի գործը շոկ է առաջացրել ամբողջ աշխարհում:
Ավելի վաղ հաղորդվել էր, որ բլոգերի դեմ սահմանված մտրակի 1000 հատվածի պատիժը չեղարկվել է՝ հաշվի առնելով նրա առողջական վիճակը: Դատարանը Բադավիին 10 տարվա ազատազրկման է դատապարտել լիբերալ ֆորումի ստեղծման և իսլամը վիրավորելու համար: Բացի դրանից՝ նրան պարտավորեցրել են 266 հազար դոլարի տուգանք վճարել:
Բադավիին աջակցության նամակը ստորագրել են Նոբելյան մրցանակի ամերիկացի, ֆրանսիացի, շվեյցարացի, գերմանացի, կանադացի, բրիտանացի դափնեկիրները, այդ թվում՝ նյարդակենսաբան Մարտին Չալֆին, ֆիզիկոս Կլոդ Քոեն-Տանուջին, կենսաբան Էրիկ Վիշաուսը և ուրիշներ:
Ուղերձի հեղինակները նշում են, որ եթե սաուդցի գիտնականներն ի վիճակի չլինեն հանդես գալ հաջակցություն խոսքի ազատության, ապա նրանք կենթարկվեն միջազգային մեկուսացման բախվելու ռիսկին:
Amnesty International-ը, որը հանդես է գալիս Բադավիի ազատման օգտին, ողջունել է դափեկիրների նամակը:
