Թաիլանդի դատարանը պարբերականի խմբագրին դատապարտել է 10 տարվա ազատազրկման՝ երկրի թագավորական ընտանիքին վիրավորող բովանդակությամբ հոդվածների հրապարակման համար: Խմբագրի փաստաբանը մտադիր է բողոքարկել դատարանի որոշումը: Այս մասին հայտնում է BBC-ն:
Սոմիոտ Պրուկսակասեմսուկը , որը երկրում հայտնի է նաև որպես քաղաքական ակտիվիստ, մեղավոր է ճանաչվել օրենքի խախտման մեջ, որն արգելում է միապետի հասցեին սպառնալիքներն ու վիրավորանքները:
Խմբագրի դեմ կայացրած վճիռը դատապարտել են իրավապաշտպան խմբերն ու ԵՄ-ն: Բանգկոգում ԵՄ պատվիրակությունը հայտարարել է, որ դատարանի վճիռը խախտում է մամուլի և ազատ արտահայտվելու իրավունքը և, բացի այդ,վնաս է հասցնում Թաիլանդի՝ որպես ազատ և ժողովրդավար հասարակության իմիջին:
Երկու հոդվածները, որոնց համար նա դատապարվել է 5-ական տարվա ազատազրկման, հրապարակվել են 2010 թվականին: Նյութերի անանունլինելու պատճառով մեղադրանքները առաջադրվել են խմբագրի դեմ:
