«Ժողովուրդ»-ը գրում է՝ ԲՀԿ-ն գտել է այս օրերի իր զբաղմունքը. նրանք ակտիվորեն պատրաստվում են Սուրբ Սարգսի տոնին՝ աղի բլիթներ պատրաստելով ու փաթեթավորելով: Աժ ԲՀԿ խմբակցության պատգամավոր, ԲՀԿ երիտասարդական կառույցի ղեկավար Վահե Էնֆիաջյանը երեկ «Ֆեյսբուք»-ի իր էջում հրապարակել է այդ կարևոր քաղաքական միջոցառման նախապատրաստական աշխատանքների լուսանկարները:
Փաստորեն, մի կողմից ԲՀԿ-ն Սուրբ Սարգսի տոնին է նախապատրաստվում, մյուս կողմից ԲՀԿ-ական պաշտոնյաները իրար հետևից ներկայացնում են իրենց անձնական տեսակետը՝ Սերժ Սարգսյանին սատարելու մասին: Հետաքրքիր կլինի, եթե այսքանից հետ, ԲՀԿ-ականները Սուրբ Սարգսի տոնի գիշերն իրենց երազում տեսնեն նաև Սերժ Սարգսյանին:
