Թուրքիայի վարչապետ Ռեջեփ Թայիփ Էրդողանը հայտարարել է, որ կառավարության նախաձեռությունը քրդական հարցի լուծման և Քրդստանի աշխատավորական կուսակցության զինաթափման վերաբերյալ վաղ թե ուշ կտա իր պտուղները: Այս մասին հայտում է MK-Turkey-ը:
«Ազգային միասնության և եղբայրության մեր նախագիծը վաղ թե ուշ արդյունք կտա»,- հայտարարել է Էրդողանը «Արդարություն և զարգացում» կուսակցության խորհրդարանական խմբի հետ հանդիպման ժամանակ:
Վարչապետն ասել է նաև, որ վաղուց է սպասում, թե երբ քրդամետ «Խաղաղություն և ժողովրդավարություն» կուսակցությունը կանցնի խաղաղության կողմն ու կդադարի արդարացնել բռնությունը: Նա ընդգծել է, որ թուրքական բանակի զինվորների համար դարաններ ստեղծողներին աջակցելը երբեք չի կարող նպաստել խաղաղությանը:
Էրդողանը կուսակցության պատգամավորներին կոչ է արել անկեղծ լինել և գործել քրդական խնդրի լուծման ուղղությամբ, որը Թուրքիայի կառավարության օրակարգում է արդեն մի քանի տասնամյակ:
