Վրաստանի պատրիարք Իլյա Երկրորդը նախատեսում է ՌԴ նախագահ Վլադիմիր Պուտինի հետ հանդիպման ժամանակ բարձրացնել Աբխազիայի և Ցխինվալի տարածաշրջանի հարցերը։
Հանդիպումը պետք է տեղի ունենա չորեքշաբթի օրը։
Ռուսաստանցի լրագրողների հետ հանդիպման ժամանակ պատրիարքը, պատասխանելով РИА Новости-ի հարցին, ասել է, որ հանդիպման ժամանակ քննարկվող գլխավոր թեման լինելու է Աբխազիան և Ցխինվալի տարածաշրջանը։ Նրա կարծիքով՝ դրանք են գլխավոր հարցերը։
Իլյա Երկրորդը նշել է, որ հանդիպման ժամանակ այլ հարցեր էլ են քննարկվելու, մասնավորապես՝ վիզային ռեժիմի և առևտրի հարցերը։ Պատրիարքը հավելել է, որ լինելու է նախնական զրույց, իսկ ավելի լուրջ քննարկումներ կարող են լինել ՌԴ նախագահի և Վրաստանի վարչապետի հանդիպման ժամանակ։
Իլյա Երկրորդն ասել է, որ, իր կարծիքով, չկան այնպիսի հարցեր, որ հնարավոր չլինի դրական լուծել՝ հաշվի առնելուվ երկու կողմերի շահերը։ Նա նաև հավելել է, որ պետք է վերացնել վիզային պատնեշը և վերկանգնել Վրաստանի ու Ռուսաստանի ժողովուրդների շփումը։
Պատրիարքը Պուտինին համարել է իմաստուն մարդ, ով կկարողանա դուրս բերել իրենց այն փակուղուց, որում հայտնվել են։
