Հայտնի մոդելը ժամանակ է անցկացրել «Տիտանիկ» ֆիլմի աստղի շքեղ նավի վրա առանց իր ռուս ընկերոջ՝ Վլադիսլավ Դորոնինի:
38-ամյա հոլիվուդյան դերասան Լեոնարդո Դի Կապրիոն որոշել է հանգստանալ երեք ֆիլմերում լարված նկարահանումներից հետո և իր շքեղ նավ է հրավիրել սուպերմոդել 42-ամյա Նաոմի Քեմփբելին:
2013 թ. հունվարի 21-ին Դի Կապրիոն մասնավոր երեկույթ է կազմակերպել, որին հրավիրել է միայն մտերիմ ընկերներին, որոնց թվում է եղել բաց լողազգեստով «սև պանտերան»:
Բրիտանական պապարացիներին հաջողվել է նկարել երկու աստղերին, որոնց նախկինում կրքոտ սիրավեպ էին վերագրում: 1995 թ. լրագրողները գրում էին այն մասին, որ հայտնի դերասանը իրոք հետաքրքրված է պոդիումի նորահայտ աստղով, սակայն այդ լուրերը չհաստատվեցին:
Աշխույժ զրույցից հետո սուպերմոդելը որոշել է արևային լոգանք ընդունել:
Բրիտանական պարբերականների ներկայացուցիչները նաև նշել են, որ, ի տարբերություն հյուրերի, նավի տերը չի ժպտացել և շատ մտահոգ տեսք է ունեցել: Դերասանի վատ տրամադրության պատճառ կարող էր լինել կուտակված հոգնածությունը:
Պարբերականներից մեկը կարծիք է հայտնել, որ դերասանը դեռ ծանր է տանում Victoria’s Secret ներքնազգեստը ներկայացնող մոդել Էրին Հիզերթոնի հետ բաժանումը: 2012 թ. նոյեմբերին զույգը հայտարարել է բաժանման մասին:
Նավի վրա հանգստացողների թվում չի նկատվել Քեմփբլի ընկեր Վլադիսլավ Դորոնինը: Ըստ բրիտանացի լրագրողների խոսքերի՝ ընկերների հարաբերությունները ճաք էին տվել, երբ Դի Կապրիոն չէր եկել Մոսկվայում Դորոնինի երկնաքերի բացմանը, որի ընթացքում դերասանը գլխավոր հերոսն էր լինելու:
