ԵՄ-ն դրական ազդանշան է տվել Թուրքիայի անդամակցությանն առնչվող բանակցություններում նոր գլուխներ բացելու կապակցությամբ: Այս մասին հայտնում է «Անադոլու» գործակալությունը:
ԵՄ ընդլայնման և հարևանության քաղաքականության հարցերով հանձնակատար Շտեֆան Ֆյուլեն ասել է, որ վերջին 5 տարիներին ԵՄ-ն Թուրքիայի հետ բանակցությունների նոր գլուխներ չի բացել: Նա հավելել է, որ երկուշաբթի տեղի ունեցած հանդիպումը ցույց է տվել, որ անդամ երկրները հակված են Թուրքիայի հետ ինտեգրման բանակցությունների նոր գլխագրեր բացել:
Ֆյուլեն ասել է, որ Թուրքիայում բարեփոխումների գործընթացը ամուր հիմք է ստեղծել բանակցությունների նոր գլուխներ բացելու համար՝ հավելելով, որ բարեփոխումները անդամակցության բանակցությունների խթանիչ ուժն են:
Հիմնարար իրավունքներին վերաբերող գլուխների բացումը կարձագանքի ոչ միայն Թուրքիայի, այլև ԵՄ շահերին՝ ասել է Ֆյուլեն:
