Հունվարի 21-ին Սիրիայում մահապարտ ահաբեկչի իրականացրած պայթյունի հետևանքով զոհվել է ավելի քան 30, վիրավորվել՝ մի քանի տասնյակ մարդ,- հաղորդում է France-Presse-ը:
Պայթյունը տեղի է ունեցել Համա մարզի Սալմիյահ քաղաքում մի շինության մոտ, որտեղ գտնվում է ոչ կանոնավոր զորքերի գլխավոր շտաբը, որոնք սատարում են Սիրիայի կառավարությանը: Զոհվածների թվում են ինչպես զինծառայողներ, այնպես էլ խաղաղ բնակիչներ:
Syrian Observatory for Human Rights իրավապաշտպան կազմակերպությունը հաղորդել է, որ զոհվածների թիվը կարող է հասնել մինչև 50-ի, քանի որ տուժածներից շատերը գտնվում են ծանր վիճակում:
Նույն օրը երկրի մայրաքաղաք Դամասկոսում ևս տեղի է ունեցել ուժեղ պայթյուն: Իրավապաշտպանները հաղորդել են զոհերի և վիրավորների մասին, սակայն նրանց հստակ թիվը հայտնի չէ:
Իրավապաշտպանների տեղեկատվության համաձայն՝ հունվարի 21-ին Սիրիայում զոհվել է 142 մարդ, այդ թվում՝ 34 խաղաղ բնակիչ (չհաշված Համայի պայթյունի զոհերը):
