Մեծ Բրիտանիայի խորհրդարան է մտցվել գահի ժառանգման մասին նոր օրենքը, որի շուրջ քննարկումները կսկսվեն այսօր: Այն առաջարկել է փոխվարչապետ Նիկ Քլեգը, սակայն ոչ ոք կասկած անգամ չունի, որ նախաձեռնությունը եկել է Բուկինգհեմյան պալատից: Այնտեղ կարծում են, որ գահի ժառանգման մասին կանոնները, որոնք գալիս են 1700 թվականից, հնացել են: Համաձայն այդ փաստաթղթի՝ արական սեռի ժառանգները առավելություն ունեն իրենց քույրերի նկատմամբ, և կարևոր չէ՝ ավա՞գն են, թե՞ կրտսերը: Բացի այդ, այն արգելում է կաթոլիկներին կամ նրանց, ում հետ նրանք կամուսնանան, հավակնել գահին: Այս մասին հայտնում է Vesti-ն:
Այն, որ նոր օրենքը կընդունվի՝ կասկած գրեթե չի առաջացնում: Այն արդեն ստացել է Գործընկերության բոլոր երկրների հավանությունը: Հասկանալի է, թե ում համար է այն ստեղծվել՝ արքայազն Ուիլյամի և Քեյթ Միդլթոնի երեխայի, որը լույս աշխարհ կգա հուլիսին: Փոքրիկը կդառնա երրորդը գահի ժառանգման ցուցակում՝ անկախ այն բանից՝ նա աղջի՞կ կլինի, թե՞ տղա: