Թուրքիայի արտգործնախարար Ահմեթ Դավութօղլուն հայտնել է մի քանի հանգամանքներ՝ կապված Փարիզում PKK-ի երեք կին անդամների սպանության հետ:
Ինչպես հաղորդում է թուրքական TRT հեռուստաալիքը, Դավութօղլուն ընդգծել է, որ հետաքննությունն ուսումնասիրում է սպանության միջոցով հաշիվներ մաքրելու տարբերակը:
«Մենք ուշադիր հետևում ենք հետաքննության ընթացքին: Հանցագործության կատարման օրից մենք մեր դեսպանատան միջոցով մշտական շփման մեջ ենք եղել ֆրանսիացի լիազորված անձնանց հետ»,- ասել է արտգործնախարարը և նշել է, որ բացահայտվել են հետաքրքիր փաստեր:
Դավութօղլուի խոսքերով՝ մոտ ժամանակներում կլինի ավելի հստակ տեղեկատվություն: Նա նշել է, որ Ֆրանսիան հանդես կգա հայտարարությամբ, հենց որ հետաքննությունը դուրս գա որոշակի մակարդակի վրա:
«Թուրքիան հետևում է իրադարձույթունների զարգացմանը: Տվյալ փուլում կարող եմ միայն սա ասել: Երբ ավելի ուշ հայտարարություն արվի, մենք հնարավորություն կունենանք խորանալ գործի քննության մեջ»,- ասել է Դուվութօղլուն՝ հավելելով, որ որոշ հանգամանքներ արդեն հայտնի են:
Թուրքիայի արտգործնախարարն ընդգծել է, որ հետաքննությունը չի բացառում կազմակերպության ներսում ներքին համակարտության տարբերակը և ընթանում է այդ ուղղությամբ: