Թուրքիայում ուժի մեջ կմտնի էլեկտրաէներգիայի գողության դեմ պայքարի ծրագիրը: Այս մասին հայտարարել է երկրի էներգետիկայի նախարար Թաներ Յըլդըզը: Radikal թերթի տեղեկացմամբ՝ ծրագիրը հաշվարկված է մինչև 2015-ը:
Այն կգործի երկրի արևելյան շրջաններում՝ Դիարբեքիրում, Ստամբուլում, Սիիրթում, Մարդինում, Բաթման և Շիրնակ թաղամասերում: Ծրագիրը կիրականացնի հատուկ գործակալությունը:
Նախարարության հաշվարկներով՝ երկրի արևելքում գողանում են էլեկտրաէներգիայի 72%-ը: Թաներ Յըլդըզը նշել է, որ ամբողջ Մերձավոր և Միջին Արևելքում, նաև Հյուսիսային Աֆրիկայում էլեկտրաէներգիայի ապօրինի օգտագործումը հասնում է ընդհանուր օգտագործված էներգիայի միջինը 15%-ին:
Թուրքիայի կառավարությունը մտադիր է այդ թիվը երկրի մասշտաբով կրճատել մինչև 9%: